دارين حداد لـ "ترند ريل": الهجوم على هند صبري غير مقبول.. وهذا أصعب مشاهدي مع حمادة هلال في "المداح"

أعربت الفنانة دارين حداد في تصريحات خاصة لـ "ترند ريل" عن سعادتها الكبيرة بالمشاركة في مسلسل "المداح" الذي عرض خلال الموسم الرمضاني الماضي، مؤكدة أن العمل شكّل لها تجربة استثنائية على المستوى الفني والإنساني.

وقالت دارين خلال لقائها على هامش إحدى الفعاليات الفنية: "شكراً على اللمة الحلوة والناس الجميلة اللي بشوفها حواليا.. كان ليّا الشرف أكون جزء من مسلسل بحجم (المداح)، اشتغلنا كلنا بحب وإخلاص، وده ظهر في النتيجة، والحمد لله ردود الأفعال كانت جميلة جدًا".

وأضافت: "كنت مبسوطة جدًا بالشغل مع المخرج أحمد سمير فرج، بصراحة حبيته كإنسان وكفنان، وبتمنى أشتغل معاه طول حياتي، كمان حمادة هلال كان أخ وزميل محترف، وكل فريق العمل حسيت معاهم إننا عيلة واحدة".

وعن أصعب المشاهد التي واجهتها في المسلسل، كشفت دارين: "كان في مشهد معين وأنا وحمادة كنا عاملين فيه في البيت عنده، يمكن كان من أصعب المشاهد بسبب تفاصيله، وعلشان نوصله صح خدت وقت طويل في التحضير، غير إن المكياج لوحده كان بيستغرق ساعات".

كما تحدثت دارين عن كواليس التصوير، مؤكدة أن رغم الضغوطات، كانت الأجواء بين فريق العمل يسودها المحبة والاحترام، وأضافت: "فيه ناس بتشوف مشاكل أو بتسمع كلام على السوشيال ميديا، لكن الحقيقة إن كل البنات والفريق كانوا متعاونين جدًا، وكنا بنشتغل بقلب واحد، وأتمنى كل أعمالي الجاية تبقى بالأجواء الحلوة دي".

وفي سياق آخر، علقت دارين على الانتقادات والهجوم الذي تعرضت له الفنانة هند صبري مؤخرًا على مواقع التواصل الاجتماعي، قائلة: “أنا ضد الهجوم اللي بيحصل، هند صبري فنانة كبيرة، واللي مش واخدين بالهم إن هند دلوقتي بقت مصرية زيها زي أي فنان مصري”.

وأضافت: "اللي حصل في رأيي إنه كلامها اتفهم غلط، أو تم تحريفه، بس حتى لو قالت رأي، ده مش مبرر للهجوم العنيف ده، لازم نحترم بعض ونحب بعض.. مفيش داعي للطرد أو الشتم، خصوصًا لما تبقى فنانة قدمت كتير للبلد".