ساندي علي ترد على جدل "40 ألف جنيه في اليوم بالساحل".. وتكشف تفاصيل مسلسلها الجديد

 في أجواء العرض الخاص لفيلم ماما وبابا، حرصت الفنانة ساندي علي على دعم شقيقتها إيناس علي، مؤكدة في تصريح خاص لـ"ترند ريل" أنها جاءت خصيصًا لمساندتها، مشيرة إلى أن الفيلم يحمل أجواء خفيفة وممتعة وتوقعت أن يحقق نجاحًا كبيرًا خاصة مع مشاركة النجم محمد عبد الرحمن "توتا".

وقالت ساندي: "أنا سعيدة جدًا إن أختي مشاركة في عمل مميز زي ده، وباركتلها من قلبي، وإيناس رغم قلقها الدائم بتركز في تفاصيل الشخصية وبتخاف تكون مش كوميدية كفاية، لكن في الحقيقة هي فُكاهية وفرحة البيت كله"، مشددة على أن الكواليس كانت مليئة بالحماس.

وعن أعمالها المقبلة، كشفت ساندي عن استعدادها لعرض مسلسل جديد بعنوان هو ده، مكوّن من 10 حلقات، وتجسد خلاله شخصية دكتورة عائدة من الخارج للعمل في جامعة مصرية، وتخوض تجربة التقديم في تطبيق للزواج.

أما عن ابنتها، أوضحت ساندي أنها مازالت صغيرة: "مفيش نصائح ليها دلوقتي، أهم حاجة إنها تبقى مبسوطة وأنا بحاول أحقق لها كل اللي بتتمناه".

وحول الانتقادات التي طالتها مؤخرًا بعد تصريحاتها عن إنفاقها 40 ألف جنيه يوميًا في الساحل الشمالي، ردت ساندي: "اللي اتقال اتفهم غلط، أنا أي حاجة بنتي بتطلبها بعملهالها، مش بخلي نفسها في حاجة، وده طبيعي كأم، مش موضوع أرقام زي ما الناس افتكرت".