أحمد كامل يطرح مينى ألبوم جديد بتوقيع الشاعر مصطفى ناصر

قرر الفنان أحمد كامل يخوض تجربة جديدة ومختلفة تماما ودي تعتبر خطوة مش معتادة لأنه اعتمد بشكل كامل على الشاعر مصطفى ناصر في كتابة كل أغاني ميني ألبومه الجديد “لسه حي” اللي نزلت أول أغنية منه من شوية على منصات السوشيال ميديا

أحمد كامل ومصطفى ناصر كانوا شغالين على الألبوم لمدة سنتين وخلال الفترة دي عملوا عدد كبير من الأغاني اللي خدت وقت ومجهود كبير وعشان كده اختيار الأغاني اللي هتنزل في الميني ألبوم ماكنش سهل خالص

وفي النهاية طلع الألبوم بـ6 أغاني كلهم من كلمات مصطفى ناصر وهم

لسه وحشاني
من كتر الغياب
مين اللي ساب
بتحداكي
لسه حي
بعد مني

أما التوزيع فكان من نصيب إسلام الأزرق في خمس أغاني بينما أغنية “بتحداكي” وزعها علي الدين عمر وكل الألحان من توقيع أحمد كامل نفسه

آخر أعمال أحمد كامل

الجدير بالذكر إن آخر حاجة قدمها أحمد كامل كانت أغنية “شكلي هعيش” اللي نزلت على اليوتيوب في يوليو اللي فات وحققت وقتها نجاح كبير وقربت من 2 مليون مشاهدة وقدم فيها أسلوبه الدرامي اللي دايما بيظهر في أعماله واعتمد على صور متنوعة ومترابطة بجمل هو مشهور بيها بين جمهوره

والأغنية كانت من كلمات مصطفى ناصر وخالد عصام وألحان خالد عصام وتوزيع إسلام شيتوس وإخراج بولو ومن إنتاج “جاما ميوزيك” للمنتج محمد جابر