(خاص) " انتصار " جوازة تنتهي بجنازة… وأول تجربة مع المخرجة "أميرة دياب"مختلفة تماما

في تصريح خاص لـ تريند ريل أعربت الفنانة انتصار عن سعادتها بالمشاركة في فعاليات مهرجان البحر الأحمر السينمائي مؤكدة أن حبها للسينما هو السبب الحقيقي لوجودها وسط هذا الحدث الكبير.

وقالت انتصار 
“النهارده حصلتلي حاجة لطيفة جدا… وأنا بلبس عادي لقيت بوكيه ورد جايلي من مهرجان البحر الأحمر ونزلته على الإنستجرام وبعدها لقيت لبسي فيه درجات روز وموڤ فمديت إيدي وخدت وردة من البوكيه وعلقتها أنا بس نفسي الناس تاخد بالها… مش أي حد يحضر مهرجان يحط وردة بس أنتوا عارفين إني دايمًا بعمل حاجات مختلفة.”

وتطرقت انتصار إلى فيلم “جوازة ولا جنازة” وهو أول فيلم طويل للمخرجة أميرة دياب قائلة
“الفيلم مختلف… إخراج أميرة مختلف واختياراتها للأماكن كلها فيها روح هي بتحب الصحراء والآثار والطبيعة المصرية… بتعشق الخلفيات اللي فيها الأهرامات والفيوم ووادي الريان وبحيرة قارون هي شايفة جمال مصر بشكل إحنا ساعات ما بنشوفوش.”

وأضافت

“يمكن علشان إحنا عايشين وسط آثار وتاريخ وتراث كبير… ما بقيناش حاسين بالانبهار زي اللي بيجوا من بره مصر كأنك قاعدة في متحف بقاله آلاف السنين أميرة فلسطينية وده مخليها شايفة طبيعتنا بمنظور مختلف… حتى فيلمها الجاي هتعمله جوه طبيعة وآثار مصر لأنها مبسوطة بيها.”

وأشادت انتصار بالزوايا التي التقطتها المخرجة 
“الكاميرا بتاعتها قدمت أماكن جديدة وزوايا عمري ما صورت فيها قبل كده مع أي مخرج مصري.”

أما عن عنوان الفيلم فقالت
“عشان الجوازة نفسها بتسبب مشكلة بتوصل لجنازة… سميناه جوازة جوه جنازة.

ويشار إلى أن المهرجان نجح عبر دوراته السابقة في عرض ما يزيد على خمسمائة وعشرين فيلما من أنحاء العالم جامعا بين الأصوات الجديدة في السينما والمبدعين أصحاب التجارب الراسخة مما رسخ مكانته كأحد أبرز المنصات السينمائية في المنطقة.

ويعد مهرجان البحر الأحمر السينمائي الدولي أحد أبرز الأحداث السينمائية في المنطقة وتقام فعالياته سنويا في جدة التاريخية حيث يجتمع صناع السينما من مختلف أنحاء العالم للاحتفاء بالفن السابع وعرض أعمال متميزة تسلط الضوء على صناعة السينما العربية والدولية مع التركيز على تمكين المواهب الشابة وتقديم منصة للأعمال المبتكرة من مناطق مختلفة حول العالم

وتتضمن فعاليات المهرجان عروض السجادة الحمراء لأكثر من عشرين فيلما بحضور نجومها إلى جانب برنامج سينمائي متكامل يشمل الأفلام الروائية الطويلة والقصير  والأعمال الكلاسيكية المرممة والأفلام المستقلة وأعمال المواهب الصاعدة.