محمد دياب: رفضت العمل مع توم هانكس وبشوف نفسي مؤلف محترف ومخرج هاوي

تحدث المؤلف والمخرج محمد دياب عن تجربته الفنية ورؤيته وأحلامه السينمائية، كما تطرق لرفضه التعاون مع النجم العالمي توم هانكس في فيلم عن الحرب العالمية الثانية بعد النجاح الكبير الذي حققه فيلم "اشتباك". 

وكشف محمد دياب، عن بداياته وكيف عمل على تطوير نفسه خلال لقاء له مع الفنان عباس أبو الحسن في بودكاست "حوارات مع عباس"، قائلا: "بدأت بأفلام تجارية ثم بدأت أتعامل مع نفسي إن ذوقي وحش، وقعدت سنين أشتغل نفسي وأتفرج على أفلام أكثر قيمة وممكن أكون مش بفهمها وأقرأ مقالات، واوحدة واحدة حسيت إن ذوقي بيتطور، وفضلت 5 سنين بذاكر بعد 2016".

وعن عمله مع منتجين عالميين، قائلا: "أنا اشتغلت مع منتجين فرنسيين في دعم من وزارة الثقافة، أنا عضو في الأسكار، عندي فرصة أقدر أتفرج على الأفلام المرشحة للأوسكار الأمريكية والأجنبية، اتفرجت هذا العام على 30 فيلم أجنبي، وشاهد 5 أمريكاني لأنهم بيدورا في دايرة واحدة، لما كان ثقافتي أمريكية لما كانت ثقافتي محدودة".

وأكد محمد دياب، على أهمية أن يعمل الإنسان على تطوير نفسه بشكل دائم، قائلا: "الإنسان لازم يشتغل على نفسه وفي مساحة للتطوير وحتى لو كنت شاطر لازم تعرف إن لسه في حاجات كتير، وعملت لنفسي تارجيت ووصلت له عملت فيلم كان في افتتاح مهرجان كان، وبعدين فيلم في فينيس، وعندي أحلام كتيرة وأنا قاسي جدا على نفسي وبعتبر نفسي إن ما تحققتش التحقق في دماغي".

محمد دياب يكشف كواليس رفضه العمل مع توم هانكس 

وعن كواليس رفضه العمل مع توم هانكس، قال: "فيلم اشتباك أكتر فيلم نجح لي عالميا، وتوم هانكس تحدث عن عنه وبعتلي فيلم له اعمله، وأنا كنت لسه عامل فيلم اشتباك في غواصة ومكان واحد، فجه توم هانكس عرض عليا فيلم عن الحرب العالمية الثانية في غواصة بردو، وهو اللي مألفه وبينتجه وهو الممثل".

وأضاف: "أنا بشوف نفسي مؤلف محترف ومخرج هاوي، يعني لو طلبت مني فيلم عن الكائنات الفضائية هألفه عادي، بس لما قريت الفيلم ده محستوش ولا حبيته ولا تواصلت معاه إنسانيًا، والناس دلوقتي بتعتبر الفيلم ده أسوء أفلام الحرب العالمية الثانية بالرغم أنهم بيعملوا منه جزء تاني، وفي فرق بين الثقة بالنفس والغرور، أنا مكنتش هكون أحسن حد للفيلم ده في الوقت ده".