أعلنت الإعلامية أميرة عبدالعظيم أنها قررت التحول إلى مجال التقديم التلفزيوني بعد تعرّضها لحادث، مما دفعها إلى ترك مهنة “مضيفة الطيران”، التي عملت بها لسنوات طويلة، وجاء ذلك خلال استضافتها في برنامج “الستات” مع سهير جودة على قناة “النهار”.

وقالت أميرة عبدالعظيم: “النقلة من مضيفة طيران لمذيعة مكنتش مترتبة، لكن دي كانت أمنية والدي الله يرحمه، إني أشتغل في التليفزيون، لكن محصلش، أول ما اتخرجت كان المتاح إني أشتغل في الطيران وأنا كنت حابة الشغل، لكن بعد سنين طويلة تعبت، وكنت حاسة إني عايزة أغير”.

واستكملت: “تعرضت لحادث، كنت مسافرة رحلة طويلة لإيطاليا رايح جاي، في اليوم دا قررت أروح بعربيتي، كان المفروض إني بروح بالعربية بتاعة الشغل بس بيبقى فيها ساعتين زيادة، أنا قلت أروح بعربيتي عشان أرجع بسرعة، يشاء القدر وأنا راجعة بالليل الساعة 3 الفجر من المطار، كنت مرهقة جدًّا عملت حادثة في صلاح سالم، كنت أنا اللي سايقة”.

وأضافت أميرة عبدالعظيم: “نمت وأنا سايقة وطلعت فوق الرصيف كانت حادثة جامدة جدًّا أثرت على رجلي وعملت عملية كبيرة، في الوقت ده حسيت إن ربنا بيقولي كفاية، كنت قعدت 8 أو 9 سنين مضيفة للطيران، أنا كان ممكن بعد ما عملت العملية إني أكمل بس حسيت أن ربنا بيقولي لأ، فكرت هعمل إيه وافتكرت أمنية والدي إني أشتغل في التلفزيون وبدأت محاولاتي”.

قد يهمك أيضاً:

الملكة رانيا تتصدَّر مواقع التواصل بإطلالتها الأنيقة