محمد ثروت لـ"ترند ريل": "روكي الغلابة" محطة جديدة في مشواري الفني.. والكيمياء مع دنيا سمير غانم قديمة ومتجددة
في تصريح خاص لموقع ترند ريل، عبّر الفنان محمد ثروت عن سعادته بالمشاركة في فيلم "روكي الغلابة" الذي يُعرض حاليًا بدور السينما، مشيرًا إلى أنه يُمثل خطوة مختلفة ومهمة في مشواره الفني، خاصةً من حيث نوعية الدور وطبيعة العمل.
وقال ثروت: "أنا بحب دنيا سمير غانم على المستوى الشخصي، واشتغلت معاها في كذا عمل قبل كده، وده كان دافع قوي إني أشارك في "روكي الغلابة". في كيمياء كبيرة بيني وبينها بترجع لسنين، وهي فنانة موهوبة جدًا وتعبت في الفيلم ده بجد، واللي بتقدمه السنة دي مختلف تمامًا، خصوصًا من حيث الشكل الكتابي ودورها كملاكمة"
وتحدث ثروت عن علاقته بالفنان محمد ممدوح، قائلًا: "ممدوح بحبه جدًا على المستويين الشخصي والفني، وعلاقتنا قديمة من قبل مسرحية قهوة سادة، وفيلم "روكي الغلابة" هو تاني تعاون بينا بعد فيلم بنك الحظ. دايمًا في بينا كيمياء في الشغل، وبنرتاح وإحنا بنمثل سوا."
كما أشاد بالتعاون مع المنتج أحمد السبكي، موضحًا أنه كان من الأسباب الأساسية اللي شجعته على قبول الدور، مضيفًا: "المنتج أحمد السبكي فاهم قوي في السينما وفي السوق، وبيشتغل على مشروعاته بحب واحتراف. وأنا بحترم النوع ده من المنتجين اللي بيخلقوا مساحة للفنان إنه يقدم حاجة مختلفة وجديدة".
واختتم ثروت حديثه متمنيًا أن ينال الفيلم إعجاب الجمهور، مؤكدًا أن العمل الجماعي وروح التعاون بين فريق العمل كانت من أبرز الأسباب اللي ساعدت على خروج الفيلم بشكل قوي ومميز.
الفيلم من تأليف كريم يوسف، إنتاج محمد أحمد السبكي، وإخراج أحمد الجندي، وتدور أحداثه في إطار اجتماعي كوميدي، حيث تلعب دنيا دور فتاة فلاحة تمارس الملاكمة وتعمل بودي جارد للنجم محمد ممدوح، لتدور بينهما مجموعة من المواقف الطريفة والإنساني