تامر حسني يقدم اقتراح لوزارة الصحة المصرية بطرح فيديوهات عن التوعية بالأكلات المفيدة
تقدم الفنان تامر حسني بمقترح جديد لوزارة الصحة المصرية، طالب فيه عرض فيديوهات تضم نصائح علمية وطبية عن الأكلات المفيدة في ظل الجدل المثار عبر مواقع التواصل الاجتماعي في هذا الشأن، والانقسام بين بعض الأطعمة التي ينصح بها بعض الأطباء ويمنعها آخرون.
ووجه تامر حسني رسالة مطاولة إلى وزارة الصحة والحكومة المصرية، عبر حسابه الرسمي على موقع التواصل الاجتماعي، قال فيها: "في ظل الفتنة الغذائية اللي حاصلة في مصر وحديث كل الناس دلوقتي عن إيه المفيد لينا وإيه المضر، هل ممكن أناشد وزارة الصحة المصرية وكبار الدكاترة المختصة وأصحاب المستشفيات، بردود كافية فيها شرح مفصل عن إيه الأكل المفيد لينا وإيه اللي مش مفيد وياريت يكون شرح مفصل يفهمه الشخص العادي من غير أي مصطلحات طبية أجنبية؟".
وطلب تامر حسني بتوضيع بعض النقاط التي تخص العادات الغذائية والأدوية، قائلا: "أولاً، الخضار أمثال الخس والجرجير و ورق العنب وكل الورقيات مفيدة ولا لأ، وإزاي نطمن إنها مش مرشوشة مواد تمرض الناس، ثانياً: البيض والفراخ اللي في بلدنا ناكله إزاي وإزاي نميز ونطمن إنه مش محقون وإزاي نعرفه لو محقون، ثالثاً: شرب المية بكثرة كما تعلمنا مفيد ولا لأ، رابعاً: الحليب مضر ولا كويس وإيه الصح اللي نشربه، خامساً: الأدوية لازم تتاخد ولا مش لازم ولا مش أي أدوية تتاخد".
تامر حسني يطالب الأطباء الكبار بالمساهمة في التوعية بالأغذية الصحية
واستكمل تامر حسني مناشدته، قائلا: "أناشد وزارتنا المصرية تعملنا ڤيديوهات حد يطلع يكلمنا بالعامية ويرد بالتفصيل وبالأدلة العلمية على كل ده وياريت يساعدني صديقي المحترم الأستاذ الفاضل أيمن عباس بما إنه صاحب أكبر المستشفيات ياريت يطلعلنا دكاترة من عنده مختصة يعملوا ڤيديوهات ترد على كل اللي حاصل في مجتمعنا وبناشد برضو الدكتور العظيممجدي يعقوب يدينا من خبرته العظيمة والدكتور الكبير حسام موافي ويساعدونا الفترة دي كشعب ويريحونا من الجدل الفظيع ده، لأن محدش بقى عارف ياكل إيه ومياكلش إيه وثوابت كتير اتغيرت بين يوم وليلة".
واختتم تامر حسني رسالته، قائلا: "أرجوكوا متسيبوناش كده لا إحنا ولا ولادنا، وأرجع وأقول محتاجين حد يكلمنا بطريقة بسيطة عامية يشرح فيها بالتفصيل وبالأدلة إيه غلط وإيه صح وأنا ليه بقول محتاجين أكتر من جهة تتكلم!!؟، عشان كلنا نطابق الكلام ببعضه مع المنطق، ونحكم صح.. وشكراً".
